“E kodlu” qida əlavələri barədə təlim keçiriləcək.
Bugun.tv xəbər verir ki, AQTA-nın “Təlim saatı” adlı onlayn verilişinin növbəti buraxılışı “Facebook” sosial şəbəkəsindəki rəsmi səhifəsi üzərindən 13 aprel 2023-cü il tarixində saat 15:00-da canlı yayımlanacaq.
“Təlim saatı” onlayn veriliş layihəsinin həyata keçirilməsində məqsəd qida təhlükəsizliyi sahəsində fəaliyyət göstərən sahibkarlıq subyektlərinin maarifləndirilməsini, eyni zamanda bu sahədə elmi bazanın təkmilləşdirilməsini və kadr potensialının gücləndirilməsini təmin etməkdir.
Budəfəki buraxılışda “E kodlu” qida əlavələri haqqında məlumat veriləcək, bu kodların xüsusiyyətlərindən bəhs olunacaq.
Bildirilib ki, canlı yayım zamanı mövzu ilə əlaqədar sizi maraqlandıran sualları sahibkarlara xidmət departamentinin əməkdaşı Abbas Məlikə ünvanlaya bilərsiniz.
Eyni zamanda qeyd edilib ki, AQTİ qida sahəsində fəaliyyət göstərən sahibkarlıq subyektlərinə qida təhlükəsizliyinə dair elmi, texniki və praktiki konsultasiya, həmçinin qida təhlükəsizliyi göstəriciləri üzrə tədqiqat xidmətləri göstərir.
