Qırğızıstanla Tacikistan arasında dövlət sərhədinin keçən hissəsində mal-qaranın gəzməsi səbəbindən atışma baş verib. Bu barədə Qırğızıstan sərhəd xidməti məlumat yayıb.
Mal-qarasını gəzdirən Tacikistan vətəndaşları sərhədçilərin Qırğızıstan ərazisini tərk etmək tələblərinə məhəl qoymayaraq, hərbçilərə daş atmağa başlayıblar. Qırğızıstanın sərhəd dəstəsinə doğru iki-üç dəfə atəş açılıb”, – deyə sərhəd xidmətinin teleqram-kanalında məlumat verilib.
Bundan sonra sərhədçilər havaya atəş açıblar. Tacikistan vətəndaşları öz ölkələrinə qayıdıblar. Qırğızıstan tərəfdən heç kim xəsarət almayıb. İlkin məlumata görə, Tacikistandan olan bir nəfər ayağından yaralanıb. Hazırda sərhəddə vəziyyət stabildir.
Mənbə: UraNews