Bugun.tv xəbər verir ki, mühasirəyə alınan Qəzza zolağından həyata keçirilən hücumlarda İsraildə ölənlərin sayı 100-ə, yaralıların sayı isə 1000-i keçib. HƏMAS-ın hərbi qanadı İzzəddin əl-Qəssam Briqadaları səhər saatlarında İsrailə qarşı “Əqsa tufanı” adlı hərtərəfli hücuma keçdiyini açıqlayıb. Qəzzadan İsrailə doğru minlərlə raket atılarkən, silahlı qruplar bölgədəki yaşayış məntəqələrinə daxil olub. İsrailin fövqəladə yardım xidməti, Davudun Qırmızı Ulduzu daha əvvəl Qəzza zolağından həyata keçirilən hücumlarda 40 israillinin öldüyünü, 70-dən çox insanın isə ağır yaralandığını açıqlamışdı.
Müxbir: Şəms Elnurqızı