Qəzza zolağında İsrailin embarqosu səbəbindən aclıqla mübarizə aparan fələstinlilərə isti yeməklər paylanıb.
İsrail Qəzzaya hücumlarını davam etdirir…
Qəzzaya bomba yağdıran İsrail 50 mindən çox günahsız insanın ölümünə səbəb olarkən, tətbiq etdiyi embarqo səbəbindən fələstinlilər də aclıqla mübarizə aparır.
İsrail martın 2-dən etibarən sərhəd qapılarını bağlayaraq, bölgədəki humanitar böhranı daha da dərinləşdirərək yardım ləvazimatları və yanacağın ölkəyə girişini əngəlləyir.
Bu səbəbdən Qəzzada yaşayan insanlar aclıqla baş-başa qalır…
Bəzən xeyriyyə təşkilatlarının payladığı yeməklər ümid versə də, uzunmüddətli perspektivdə bu kifayət etmir.
Qəzzanın mərkəzindəki Nusayrat Qaçqınlar Düşərgəsində müharibə və bölgədəki “humanitar böhran”la mübarizə aparan fələstinlilərə isti yeməklər paylanıb.
Yardım təşkilatlarının payladığı ərzaqları almaq üçün bölgəyə gələn fələstinlilər izdiham yaradıb.
Mənbə: EnSonHaber