Bugun.tv xəbər verir ki, katolik dünyasının ruhani lideri Papa Fransisk katoliklərin bu həftəsonu qeyd etməyə hazırlaşdıqları Pasxa mərasimləri çərçivəsində 12 qadın məhbusun ayağını yuyub.
Tədbir “Müqəddəs Cümə axşamı” günündə Romadakı Rebbibia həbsxanasında gerçəkləşib. O, 12 qadın məhbusun ayaqlarını yuyub və sonra öpüb.
Papanın ayaqlarını yuduğu məhbusların italyan, rus, bolqar, nigeriyalı, ukraynalı, peru və bosniya-herseqovinalı olduğu bildirilib. Bununla da o, Hz. İsanın çarmıxa çəkilməsindən bir gün əvvəl məhəbbətini göstərmək üçün 12 şagirdinin ayaqlarını yuması ilə başlayan Pasxa mərasimini təkrarlamaq istəyib.
Əvvəlki papalardan fərqli olaraq Papa Fransisk keşişlərin yerinə, ehtiyacı olanların və ya məhbusların ayaqlarını yumağa üstünlük verir.