Bugun.tv xəbər verir ki, hakim “Vətəndaş Müqaviləsi” Partiyasının namizədi Ruben Rubinyan Ermənistan parlamentinin IX çağırış Milli Assambleyasının sədri seçilib. Gizli səsvermənin nəticələrinə əsasən, Rubinyanın namizədliyi 63 deputat tərəfindən dəstəklənib, 28 deputat isə əleyhinə səs verib. Səsvermədə parlamentin 105 üzvündən 91-i iştirak edib və etibarsız bülleten qeydə alınmayıb.
Səsvermədən əvvəl müxalifətdəki “Ermənistan” fraksiyası parlament sədrinin seçilməsində iştirak etməyəcəyini açıqlamışdı. “Güclü Ermənistan” fraksiyası isə hakim partiyanın namizədinə qarşı səs verəcəyini bildirmişdi.
Ruben Rubinyan bundan əvvəl Ermənistan parlamentinin vitse-spikeri vəzifəsində çalışıb. Onun parlament sədri seçilməsi yeni çağırış Milli Assambleyanın ilk iclasında baş tutub.
Mənbə: TASS