Rumıniya “Patriot” hava hücumundan müdafiə sistemi üçün 200 raket alacaq.
Bugun.tv xəbər verir ki, bu barədə Rumıniya Müdafiə Nazirliyi məlumat yayıb.
Satınalmalar NATO-nun Dəstək və Satınalma Agentliyi (NSPA) ilə müqavilə əsasında Almaniya, İspaniya və Hollandiya ilə birgə həyata keçirilir. Ümumiyyətlə, “Patriot” hava hücumundan müdafiə sistemi üçün minə qədər raketin alınmasını nəzərdə tutulur.
Rumıniya Müdafiə Nazirliyi bu birgə satınalma proqramında iştirak etmək üçün parlamentdən icazə alıb. 200 raketin ümumi dəyəri təxminən 1,09 milyard avrodur.