Rusiya prezidenti Vladimir Putini qəzəbləndirəcək addım Rumıniyadan gəlib. Belə ki, Rumıniya Ukrayna sərhədi yaxınlığında yerləşən Mixail Koqalniçeanu aviabazasının genişləndirilməsi layihəsinə başlayıb. Ölkə mətbuatının məlumatına görə, Rumıniya hərbi bazanın genişləndirilməsi və modernləşdirilməsi layihəsinə təxminən 2,7 milyard dollar büdcə ayırıb.
Baza komandiri, polkovnik Nikolae Cretu bəyan edib ki, “Rusiyanın 2008-ci ildə Gürcüstan ərazisini və 2014-cü ildə Krımı ilhaq etməsi genişlənmə qərarında təsirli olub”.
Layihə çərçivəsində yeni uçuş-enmə zolağı, mühafizə qülləsi və mövcud və gələcək hərbi texnikanın saxlanması üçün əlavə anqarlar tikiləcək.
Bazanın genişləndirilməsi ilə NATO-nun Avropadakı ən böyük hava bazalarından biri olacağı təxmin edilir. Hərbi bazanın Qara dənizə birbaşa çıxışı olsa da, Rusiya ərazisinə yaxınlığı da diqqəti cəlb edir.
Mənbə: TGRT