Bugun.tv xəbər verir ki, Ulu Öndər Heydər Əliyevin 100 illik yubileyi ilə əlaqədar Moskva şəhərində Rusiya Nəqliyyat Universiteti tədbir keçirib.
Bu barədə Azərbaycan Respublikasının Rəqəmsal İnkişaf və Nəqliyyat naziri Rəşad Nəbiyev facebook səhifəsində paylaşım edib.
Onun sözlərinə görə, tədbir zamanı Ümummilli Liderin Baykal-Amur magistral xəttinin tikintisində müstəsna xidmətlərindən danışılıb.
Sonra Rusiya tərəfindən Ulu Öndərin 100 illiyi ilə bağlı dövriyyəyə buraxılacaq poçt markasının möhürlənməsi mərasimi keçirilib.
Mərasimdə Rusiya Federasiyası Prezidentinin köməkçisi İqor Levitin də iştirak edib.
Sonda nazir Rəşad Nəbiyev Rusiya Nəqliyyat Universitetində təhsil alan bir qrup azərbaycanlı tələbə ilə səmimi görüşlər keçirdiyini vurğulayıb.
