Bugun.tv xəbər verir ki, Rusiyanın xarici işlər naziri Sergey Lavrov Birləşmiş Millətlər Təşkilatının Təhlükəsizlik Şurasının (BMT TŞ) Fələstin dövlətinin yaradılması ilə bağlı qətnamələrinin İsrail-Fələstin münaqişəsi bitən kimi yerinə yetirilməsini tələb edib.
TRT Haber-in məlumatına görə, Lavrov Qırğızıstanın paytaxtı Bişkekdə Müstəqil Dövlətlər Birliyinə (MDB) üzv ölkələrin xarici işlər nazirlərinin toplantısından sonra Rusiya mətbuatına açıqlama verib. Görüşdə İsrail-Fələstin münaqişəsinin müzakirə edildiyini deyən Lavrov MDB-yə üzv ölkələrin münaqişələrin və danışıqların dayandırılmasının tərəfdarı olduğunu bəyan edib. Münaqişənin sona çatmasından sonra yaranacaq vəziyyətlə bağlı gözləntilərini ifadə edən Lavrov, “Ümid edirik ki, bu münaqişə sona çatan kimi hər kəs BMT Təhlükəsizlik Şurasının Fələstin dövlətinin yaradılması ilə bağlı qərarlarının yerinə yetirilməsi üçün öz məsuliyyətini ciddi şəkildə yerinə yetirəcək. Birləşmiş Millətlər Təşkilatının təsdiq etdiyi prinsiplərdir”- dedi.
Müxbir: İntizar Əmirova