Bugun.tv xəbər verir ki, Ukrayna Hərbi Hava Qüvvələri Komandanlığı Rusiya ordusunun gecə saatlarında raket və İHA hücumu təşkil etdiyi bildirib. Açıqlamada Rusiya hərbçilərinin hücumlarda 20 ədəd “Şahed” tipli PUA-dan istifadə etdiyi, döyüş əməliyyatları nəticəsində 14 İHA-nın məhv edildiyi vurğulanıb.
Ukrayna Daxili İşlər Naziri İqor Klimenko da sosial media hesabından verdiyi açıqlamada Rusiya ordusunun bu gecə S-300 raketləri ilə Donetsk vilayətinin Pokrovsk, Novoqrodivka və Mirnoqrad şəhərlərinə intensiv hücum təşkil etdiyini bildirib.
Pokrovskda baş verən hücumda bir yaşayış binası, 9 ev, polis bölməsi, nəqliyyat vasitələri və qarajlara ziyan dəyib. Klimenko, evlərinin bağçasına mərmi düşən ailənin dağıntılar altında qaldığını bildirib.