TASS-ın yaydığı məlumata görə, Rusiya İran ərazisində yerləşən Buşehr Atom Elektrik Stansiyasındən öz vətəndaşlarını təxliyə edib.
Məlumata əsasən, stansiyada çalışan 175 nəfərlik rusiyalı işçi qrupu Yerevandan Moskvaya xüsusi reyslə yola salınıb. Təxliyə olunan şəxslər İran-Ermənistan sərhədində yerləşən Norduz–Aqarak keçid məntəqəsindən keçərək Ermənistan ərazisinə daxil olublar.
Rosatom dövlət korporasiyasının baş direktoru Aleksey Lixaçev bildirib ki, təxliyə prosesi ABŞ-ın Buşehr ətrafına endirdiyi zərbədən təxminən 20 dəqiqə sonra başlayıb. Onun sözlərinə görə, ilkin mərhələdə 198 nəfər avtobuslarla sərhədə çatdırılıb.
Rusiya səfirliyi Ermənistan hakimiyyətinə göstərilən dəstəyə və operativ təşkilati yardıma görə təşəkkür edib. Eyni zamanda vurğulanıb ki, İran tərəfi də işçilərin təhlükəsiz şəkildə çıxarılması üçün mühüm addımlar atıb.
Bununla yanaşı, qeyd olunub ki, Buşehr AES-in birinci enerji bloku fəaliyyətini davam etdirir və müəyyən sayda işçi hələ də obyektdə qalır. Bəzi əməkdaşların isə İranda işləməyə hazır olduqları bildirilib.
Qeyd edək ki, təxliyə qərarı bölgədə artan hərbi gərginlik fonunda qəbul olunub.
Mənbə: TASS