Bugun.tv xəbər verir ki, Rusiya Ermənistan istehsalı olan “Jermuk” markalı mineral suların satışını dayandırıb. Qərarın səbəbi kimi məhsullarda insan sağlamlığı üçün təhlükəli ola biləcək pozuntuların aşkarlanması göstərilib.
Rospotrebnadzor tərəfindən yayılan açıqlamada bildirilib ki, Ermənistan mənşəli ümumilikdə 64,5 milyon ədəd mineral su şüşəsinin Rusiya ərazisində satışının dayandırılması ilə bağlı aidiyyəti qurumlara göstəriş göndərilib.
Qurum qeyd edib ki, məhsullarda sağlamlıq baxımından risk yarada biləcək uyğunsuzluqlar müəyyən olunub. Lakin pozuntuların konkret nədən ibarət olduğu açıqlanmayıb.
Məlumata görə, son dövrlər Rusiya ilə Ermənistan arasında münasibətlərdə gərginlik müşahidə olunur. Rusiya daha əvvəl Ermənistanın çiçək, meyvə və tərəvəz məhsullarının idxalına da müvəqqəti məhdudiyyətlər tətbiq etmişdi.
Mənbə: TGRT Haber