“Rusiya Azərbaycanla Ermənistan arasında sülhün əldə edilməməsi üçün N. Paşinyana təzyiqlər etməyə çalışır. Həmçinin Azərbaycana qarşı siyasi təzyiqlər davam etdirir. Rusiya Qarabağdan köçən ermənilərin Ermənistanda “Artsax” adı ilə fəaliyyət göstərməsini N. Paşinyandan tələb edir. Həmçinin Ermənistanla Azərbaycan arasında sülh müqaviləsinin bağlanmasının “vaxtı deyil kimi”- mövqe ortaya qoyur” – deyə politoloq, siyasi ekspert Məhəmməd Əsədullazadə öz sosial media hesabında xəbər verib.
Ekspert həmçinin bildirib ki, Rusiya Ermənistanda Gümrüdəki “102-ci” hərbi bazasına silahlar daşıması, əsasən sülh prosesini və regional siyasəti pozmaqdan ibarətdir. Rusiya prezidenti V. Putin N. Paşinyanı hərbi yolla cəzalandırması istisna deyil. Əsas məqsəd öz adamını hakimiyyətə gətirib, sülh prosesini pozaraq Azərbaycana qarşı yeni hərbi əməliyyatlara başlatmaqdir. Təbii ki, Rusiyanın bu avantüralara getməsi mümkündür. Çünki Kreml rəhbərliyi yeni geosiyasi reallıqları qəbul etmir. Ona görə də Azərbaycana qarşı sərnişin təyyarəsini vurdu, azərbaycanlı miqrantlara qarşı şovinist siyasəti davam etdirir. Xəzər dənizində hərbi təlimlər keçirir.
Eyni zamanda, Rusiyanın AZAL təyyarəsini vurması, siyasi hakimiyyətə yönəlmiş siyasi təzyiq teraktidır. Məhz Azərbaycandan üzr istənilmir və təzyiqləri davam etdirilir. Təbii ki, Azərbaycan Rusiyanın siyasi tələbələrini qəbul etməyək.
Ermənistanda vəziyyət isə, Azərbaycandan fərqlidir. Baş naziri Nikol Paşinyan seçki öncəsi çətin dilemma qarşısında qalıb. Rusiyanın arxasında durduğu Kilsə və müxalifətlə qarşıdurma yaşayır. Bir tərəfdən də Rusiya hərbi qüvvələrini Ermənistana yığır. Ermənistan siyasi hakimiyyətinə Türkiyə və ABŞ siyasi dəstəyi labüd görünür.
Hər iki ölkə N. Paşinyanı dəstəkləməsə, Rusiya N. Paşinyanı devirə bilər. Təbii ki, proseslər Rusiya -Ukrayna müharibəsinin gedişatından çox asılıdır. Göründüyü qədəri ilə Rusiya Cənubi Qafqaz siyasətini aktivləşdirir”.
Məhəmməd Əsədullazadə
Milli Cəbhə partiyasının başqanın müavini, siyasi ekspert