Rusiya hökuməti Macarıstanla ikitərəfli sazişin müddəalarının müəyyən pozuntularını aradan qaldırana qədər bu ölkə ilə diplomatik pasportlarda vizasız gediş-gəlişə icazə verən sazişi dayandırıb.
Bugun.tv TASS-a istinadən xəbər verir ki, Rusiya Xarici İşlər Nazirliyinə qərarla bağlı macar həmkarlarını məlumatlandırmaq tapşırılıb.
Qeyd edək ki, Rusiya və Macarıstan arasında vizasız gediş-gəlişə icazə verən saziş 2001-ci ildə imzalanmışdı.