“Rusiya tezliklə Almaniya, Danimarka və İsveçlə “Şimal axını” qəzalarının təhqiqatı ilə bağlı yazışmaları BMT Təhlükəsizlik Şurasının üzvlərinə təqdim edəcək”.
Bugun.tv xəbər verir ki, bunu Rusiyanın BMT-dəki daimi nümayəndəsinin birinci müavini Dmitri Polyanski “The Dive” YouTube kanalına müsahibəsində bildirib.
“Onlar hər hansı məlumat əldə etməyi rədd edirlər. Təsirə məruz qalan tərəf olmağımızdan asılı olmayaraq, hər hansı bir iştirakdan imtina edirlər. Ona görə də biz bu araşdırmanın bir hissəsi olmalıyıq. Şəffaflıq üçün sğzügedən yazışmaları tezliklə dərc edəcəyik və Təhlükəsizlik Şurasının üzvləri arasında paylayacağıq”, – Polyanski əlavə edib.
Diplomat qeyd edib ki, Qərb mətbuatında Şimal axınında baş verən qəzalarla bağlı son məlumatlar diqqəti baş verənlərdən yayındırmaq cəhdidir.
Polyanski bildirib ki, “Şimal axını” boru kəmərlərində təxribat aktlarının beynəlxalq təhqiqatına dair qətnaməyə səsvermə çox güman ki, martın sonunda BMT Təhlükəsizlik Şurasında keçiriləcək.