Bugun.tv xəbər verir ki, Rusiya Müdafiə Nazirliyi Ukraynadakı hərbi sənaye obyektlərini və diversiya qruplarının təlim mərkəzlərini uzaqmənzilli raketlərlə vurduqlarını bildirib.
Nazirlik Rusiya ordusunun Ukraynadakı hədəflərə qarşı həyata keçirdiyi hücumlarla bağlı açıqlama verib.
“Rusiya Silahlı Qüvvələri bu gecə Ukrayna ordusunun təxribat qruplarının hərbi sənaye obyektlərinə, elektron kəşfiyyat mərkəzlərinə və təlim mərkəzlərinə havadan atılan uzaqmənzilli yüksək dəqiqlikli raketlər və pilotsuz uçuş aparatları ilə qrup hücumu həyata keçirib”.
Açıqlamaya görə, hücumlar nəticəsində təyin olunmuş hədəflər məhv edilib.