Rusiya Müdafiə Nazirliyi Donetsk bölgəsindəki Dibrova yaşayış məntəqəsinin nəzarətini ələ keçirdiklərini açıqlayıb.
Rusiya Müdafiə Nazirliyinin açıqlamasında Rusiya qüvvələrinin Ukraynada bütün cəbhələrdə irəliləyiş əldə etdiyi qeyd edilərək, “Fəal hərəkətlər nəticəsində Qərb Hərbi Qrupunun bölmələri Donetsk Xalq Respublikasının Dibrova yaşayış məntəqəsinin azad edilməsi prosesini başa çatdırıb” deyilir.
Bəyanatda həmçinin qeyd olunur ki, müxtəlif bölgələr və Azov dənizi üzərində hava hücumundan müdafiə sistemləri tərəfindən 89 Ukrayna pilotsuz uçuş aparatı (PUA) vurulub.
Mənbə: İlkha