Bugun.tv xəbər verir ki, Rusiyanın nəzarətində olan Krıma Ukraynanın gecə saatlarında həyata keçirdiyi 28 pilotsuz uçuş aparatının (PUA) hücumunun qarşısı alındığı bildirilib.
Rusiya Müdafiə Nazirliyindən verilən açıqlamada Ukraynanın gecə saatlarında Krım yarımadasındakı hədəflərə 28 PUA ilə “terror hücumu”na cəhd etdiyi və bunun qarşısının alındığı açıqlanıb.
Açıqlamada Rusiya hava hücumundan müdafiə sistemlərinin 17 PUA-nı məhv etdiyi, 11-nun isə hədəfə çatmadan vurulduğu bildirilib.
Terror aktı nəticəsində insan tələfatı və dağıntının olmadığı qeyd edilib.
Onu da deyək ki, Rusiya Milli Terrorla Mübarizə Komitəsi ötən gün Ukrayna qüvvələrinin Krım körpüsünə iki pilotsuz dəniz maşını ilə hücum etdiyini, nəticədə iki nəfərin həlak olduğunu deyib.
Mənbə: TRT Haber