Moskva-Kiyev xəttindən qarşılıqlı hücum xəbərləri gəlməkdə davam edir. Rusiya ordusu Ukraynanın Xarkov şəhərinə hücum edib, Ukrayna isə PUA-larla cavab verib.
Xarkov meri İqor Terehov bildirib ki, Xarkov şəhərində yaşayış binasına idarə olunan bombanın partlaması nəticəsində 10 nəfər xəsarət alıb.
Digər tərəfdən, Kiyev Şəhər Hərbi Administrasiyasının rəhbəri Sergiy Popko bildirib ki, Rusiya pilotsuz uçuş aparatlarından (PUA) istifadə edərək Kiyevə hücum etməyə cəhd edib.
Popko bildirib ki, hava hücumu xəbərdarlığı beş saatdan çox davam edib və Kiyev ətrafında 15-ə yaxın PUA vurulub.
Rusiya Müdafiə Nazirliyi Ukraynanın 113 pilotsuz uçuş aparatı (PUA) ilə ölkə ərazisinə hücum etdiyini bildirib.
Nazirlikdən verilən açıqlamada deyilir: “Ötən gecə Kiyev rejiminin Rusiya Federasiyası ərazisindəki hədəflərə təyyarə tipli PUA-lardan istifadə etməklə həyata keçirdiyi terror cəhdinin qarşısı alınıb”.
Bildirilib ki, Rusiya hava hücumundan müdafiə sistemləri Belqorod vilayətində 73, Voronej vilayətində 25, Kursk vilayətində 14 və Bryansk vilayətində bir PUA-nı vurub.
Mənbə: İLKHA