Rusiyada həbsxanada iğtişaş törədən məhbuslar mühafizəçilərə bıçaqla hücum edib və əməkdaşları girov götürüblər. Hadisə nəticəsində 1 nəfərin öldüyü bildirilib.
Rusiyanın Volqoqrad vilayətində həbsxanada məhbuslar iğtişaş törədib. Rusiya Federal Penitensiar Xidmətinin (FSIN) verdiyi açıqlamada məhbusların əməkdaşları girov götürdüyü bildirilib. Hadisə anında məhbusun çəkdiyi kadrlarda bıçaqla yaralanan mühafizəçilərin yerdə uzandığı və onlardan birinin boğazının kəsildiyi görünür. Fövqəladə hallar səlahiyyətliləri tərəfindən edilən açıqlamada hücumda 1 nəfərin öldüyü bildirilib. Yaralılardan 4 nəfərin xəstəxanaya aparıldığı öyrənilib.
Təcridxana rəhbərliyindən verilən açıqlamada “İntizam komissiyasının iclası zamanı məhkumlar həbsxana işçilərini girov götürüblər. Hazırda girovların azad edilməsi üçün müdaxilə edilir. Ölənlər var” deyilir.
Yerli mənbələr hücum edənlərin Özbəkistan və Tacikistan vətəndaşları olduğunu bildirsə də, məhbusların kimliyi ilə bağlı rəsmi mənbələr hələlik açıqlama verməyib. İğtişaş törədən məhbusların DEAŞ terror təşkilatının üzvləri olduğu iddia edilib.
Volqoqrad vilayətinin Surovikino şəhərində yerləşən yüksək mühafizəli “İK-19” həbsxanası 1241 nəfərlikdir.
Mənbə: Haber Global