Fevral ayında Rusiyadan İtaliyaya idxalın həcmi illik müqayisədə 80% azalıb.
Bugun.tv xəbər verir ki, bu barədə İtaliya Milli Statistika İnstitutunun Avropa İttifaqından kənar ölkələrlə ticarətə dair dərc etdiyi məlumatda bildirilib.
İtaliyanın Çindən (-14,2%) və ABŞ-dan (-9,7%) idxalı da azalıb. Bu arada OPEC ölkələri (+41,0%) və Böyük Britaniyadan (+34,7%) idxal ən çox artıb.
İnstitut qeyd edir ki, ümumilikdə, İtaliyanın idxalı fevral ayında illik müqayisədə 6,8% azalıb. Bu, enerji daşıyıcılarının (-12,8%), aralıq malların (-8,9%) və davamlı istehlak mallarının (-14,9%) daha az alışı ilə əlaqədardır.
Lakin 2023-cü ilin fevral ayında ixracın 17,0% artdığı göstərilir. İllik əsasda İtaliya mal və xidmətlərinin ixracı Çin (+131,4%), Türkiyə (+26,2%) və ABŞ-a (+18,2%) artıb.
Mənbə: TASS