20 C
Baku
Oktyabr 1, 2022
Baş xəbər

Şəhid Vadim Qocayev atası ilə birgə Qobustanda dəfn olunub – FOTO/VİDEO

Şəhid Vadim Qocayevlə atası Alik Qocayevin cənazəsi bu gün Qobustan rayonuna gətirilərək Sündü kəndindəki şəhid məzarlığında birgə dəfn olunub.

Bugün.tv  APA-ya istinadən xəbər verir ki, əvvəlcə onların yaşadığı evdə cənazə namazı qılınıb, ruhlarına dualar oxunub

Dəfn mərasimində şəhidin yaxınları, Müdafiə Nazirliyinin, rayon icra hakimiyyətinin məsul şəxsləri, ictimaiyyət nümayəndələri iştirak edib.

Qeyd edək ki, düşmən təxribatı nəticəsində şəhid olan xüsusi təyinatlı hərbi qulluqçumuz Vadim Qocayevin atası Alik Qocayev ürəktutmadan dünyasını dəyişib. Şəhid oğlunun nəşini gətirmək üçün Gəncəyə yollanan ata oğlunun cənazəsini təhvil almazdan öncə infarkt keçirərək dünyasını dəyişib.

Xatırladaq ki, 1997-ci il təvəllüdlü şəhid Vadim Qocayev Qobustanın Sündü kənd sakinidir. Onun bir qardaşı DSX-də xidmət edir, digəri isə əsgərdir. Vətən Müharibəsi iştirakçısı olan Vadimin bir yaşlı qızı var, bu günlərdə onun ikinci övladı dünyaya gələcək.

Oxşar xəbərlər

Komandalar Beynəlxalq Ordu Oyunları-2022 çərçivəsində Dəniz Kubokunu qazandılar

Sabina Uğur

İbrahim Tatlısəs Çeşmədə gipslə səhnəyə çıxdı

Aynur Camal

Beynəlxalq ictimaiyyət Qarabağın işğalına qarşı heç bir addım atmayıb

Sabina Uğur