Yay aylarında isti havadan qorunmaq üçün insanların çoxu ilk növbədə soyuq qazlı içkilərə üstünlük verir. Lakin mütəxəssislər bildirirlər ki, tərkibində yüksək miqdarda şəkər olan qazlı içkilər susuzluğu tam yatırmır, əksinə, qısa müddət sonra yenidən susuzluq hissi yarada bilər.
İsti havada parlaq etiketli, köpüklü və şirin qazlı içkilər cəlbedici görünsə də, onların hər gün qəbul edilməsi orqanizmə daxil olan şəkərin miqdarını artırır. Bu şəkər təkcə qazlı içkilərdən deyil, siroplu qəhvə, dondurma, meyvə şirələri və müxtəlif şirin qəlyanaltılarla birlikdə gündəlik normanı xeyli üstələyə bilər.
Mütəxəssislər qeyd edirlər ki, qazlı içkiləri məcburən sadə su ilə əvəz etmək lazım deyil. Turşməzə dadlı, giləmeyvəli, sitruslu, ətirli otlarla hazırlanmış və ya yüngül qazlı alternativlər həm daha sağlam seçimdir, həm də yay istisində sərinlik hissi yaradır.
Şirin qazlı içkilər niyə susuzluğu tam aradan qaldırmır?
Şəkərli qazlı içkilər ilk anda sərinlik hissi yaratsa da, yüksək şəkər tərkibi səbəbindən ağızda yapışqanlıq hissi yarada və susuzluğu qısa müddətdə yenidən artırır. İsti havalarda bu təsir daha aydın hiss olunur.
Bundan əlavə, davamlı olaraq çox şirin içkilər qəbul edən insanlarda dad hissi dəyişir. Nəticədə adi su dadsız, ev limonadı kifayət qədər ləzzətli, şəkərsiz çay isə demək olar ki, dadsız görünməyə başlayır.
Məhz buna görə mütəxəssislər qazlı içkiləri tamamilə çıxarmaq əvəzinə, dadı, ətri və təravəti qoruyan sağlam alternativlərə keçməyi tövsiyə edirlər.
Qazlı su, limon və nanə
Şəkərsiz qazlı su ən sadə alternativ hesab olunur. Onun içinə limon, laym, portağal, nanə, reyhan, xiyar, çiyələk, moruq və ya qara qarağat əlavə etməklə həm dadlı, həm də sərinləşdirici içki hazırlamaq mümkündür.
Qazlı su, buz, bir neçə dilim limon və giləmeyvə demək olar ki, limonad təsiri yaradır, lakin əlavə şəkərə ehtiyac qalmır.
Ev şəraitində hazırlanan limonad
Ev limonadı mütləq çox şirin olmamalıdır. Onu su, limon və ya laym şirəsi, buz, nanə və az miqdarda meyvə və giləmeyvə ilə hazırlamaq mümkündür.
Şəkər əvəzinə yetişmiş giləmeyvə, portağal, şaftalı və ya qarpızdan istifadə etmək daha faydalıdır. Limon, nanə və xiyar, laym, çiyələk və reyhan, portağal və rozmarin kimi birləşmələr yay üçün ideal hesab olunur.
Şəkərsiz soyuq çay
Evdə dəmlənmiş soyuq çay da qazlı içkilərin yaxşı alternatividir. Qara, yaşıl, ağ çay, karkade, ulun və müxtəlif bitki çaylarından istifadə etmək olar.
Çayın çox tünd dəmlənməməsi tövsiyə edilir. Əks halda, soyuduqdan sonra acı dad verə bilər.
Limon, şaftalı, nanə, giləmeyvə, portağal, alma, darçın, reyhan və rozmarin soyuq çaya əlavə edilə biləcək ən uyğun məhsullar hesab olunur.
Karkade çayı
Karkade yay mövsümündə həm rəngi, həm də xoş turş dadı ilə seçilir. Onu buz, portağal, limon və ya giləmeyvə ilə birlikdə təqdim etmək olar.
İsti şəkildə dəmlənərək soyudula və ya bir neçə saat soyuq suda dəmlənə bilər. Soyuq dəmləmə üsulu daha yumşaq dad verir.
Meyvə və otlarla hazırlanmış su
Adi suya limon, laym, portağal, xiyar, nanə, alma, çiyələk, moruq, qarağat və müxtəlif ətirli otlar əlavə etməklə daha maraqlı dad əldə etmək mümkündür.
Belə su meyvə şirəsini əvəz etmir, lakin yüngül ətir və təravət hissi yaradır. Meyvə və giləmeyvələr bir qədər əzildikdən sonra su 1–2 saat soyuducuda saxlanılarsa, dad daha zəngin olur.
Az şəkərli mors
Mors qazlı içkilərə yaxşı alternativ ola bilər. Zoğal, brüsnika, qara qarağat, moruq, albalı və ya çaytikanı istifadə etməklə hazırlanan mors həm təravətləndirir, həm də turş dadı sayəsində susuzluğu daha yaxşı yatırır.
Giləmeyvələrin uzun müddət qaynadılmaması tövsiyə edilir ki, təbii dad və faydalı maddələr qorunsun.
Ayran və tan
Yay aylarında şirin olmayan, lakin həm sərinləşdirən, həm də doyum hissi yaradan içkilərdən biri ayran və tandır.
Onların duzlu dadı limonadlardan fərqlənsə də, isti havalarda orqanizmi sərinləşdirməyə kömək edir. Ayrana xiyar, göyərti, nanə və buz əlavə etməklə daha dadlı içki hazırlamaq mümkündür.
Xiyarlı kefir
Soyuq kefirə xiyar, şüyüd, nanə, yaşıl soğan və az miqdarda duz əlavə etməklə yay üçün yüngül içki hazırlamaq olar.
Bu içki limonadı əvəz etməsə də, az şəkər qəbul etmək istəyənlər üçün faydalı seçim hesab olunur.
Şərbətsiz soyuq qəhvə
Yay mövsümündə siroplu buzlu qəhvələr də çox miqdarda şəkər mənbəyinə çevrilə bilər. Mütəxəssislər şəkərsiz ayz-amerikano, cold brew və ya sadə ayz-latteni daha sağlam seçim hesab edirlər.
Şirin dadı azaltmaq üçün siropun miqdarı tədricən azaldılmalıdır.
Matça və bitki mənşəli latte
Buzlu matça və ya bitki mənşəli latte də yay üçün uyğun alternativlər sırasındadır. Onların hazırlanmasında rooibos, nanə, lavanda və çobanyastığından istifadə etmək mümkündür.
Qarpız içkisi
Qarpız təbii olaraq şirin olduğu üçün ondan şəkər əlavə etmədən yay içkisi hazırlamaq mümkündür. Qarpız, laym, nanə və buz blenderdən keçirilərək təravətli içki əldə edilir.
İstəyə görə qazlı su əlavə etməklə yüngül köpüklü içki də hazırlamaq olar.
Laymlı xiyar suyu
Xiyar və laymın birlikdə hazırlanmış suyu yay istisində ən yüngül və faydalı seçimlərdən biridir. İçkiyə nanə əlavə edildikdə daha təravətli dad yaranır.
Şirin qazlı içkilərdən necə uzaqlaşmaq olar?
Mütəxəssislər bildirirlər ki, qazlı içkilərdən birdən-birə imtina etmək çətin ola bilər. Buna görə də keçidi mərhələli şəkildə etmək tövsiyə olunur.
İlk mərhələdə qazlı içki adi qazlı su ilə qarışdırıla bilər. Sonra isə şəkərli hissənin miqdarı tədricən azaldılmalıdır.
Soyuducuda əvvəlcədən hazırlanmış limonlu su, soyuq çay və ya şəkərsiz mors saxlamaq da qazlı içkilərə olan meyli azaltmağa kömək edir.
Yay aylarında ən yaxşı seçim həm susuzluğu aradan qaldıran, həm də orqanizmi əlavə şəkərlə yükləməyən təbii içkilərə üstünlük verməkdir.
Mənbə: mail.ru