“Türkiyədə səsvermə prosesində kifayət qədər yüksək aktivlik qeydə alınmaqdadır”.
Bugun.tv xəbər verir ki, bu sözləri deputat Vüqar Bayramov facebook səhifəsində paylaşıb.
“Müşahidə apardığımız bütün məntəqələrdə vətəndaşların aktiv iştirakı uzun növbələr ilə müşahidə olunur. Seçkidən öncə də danışdığımız əksər insanlar bu seçimlərin Türkiyə üçün tarixi mərhələnin əsasını qoyacağını vurğulayırdılar.
Bu gün səhər saat 8-da başlayan səsvermə 17.00-da başa çatıb. Daha sonra səslərin sayılmasına başlanılıb. Mərhələli olaraq namizədlərin qazandıqları səsləri elan olunacaq. İnanırıq ki, bu seçimlərdə qazanan qardaş Türkiyə xalqı olacaq”.