Bugun.tv xəbər verir ki, ABŞ-da aparılan araşdırmada, sürətli və uzun təyyarə səfərlərindən sonra orqanizmin zamana uyğunlaşmasına imkan verən bioloji ritmin pozulması ilə meydana gələn reaktiv gecikmə böyük səhər yeməyi və günəş vannası qəbul etməklə qarşısı alına biləcəyi müəyyən edilib.
“Xaos” akademik jurnalında dərc olunan araşdırmaya görə, İllinoys və Nyu-Meksiko ştatlarından olan tədqiqatçılar bioloji saat olaraq təyin olunan sirkadiyalı ritmə işığın və qidanın təsirini araşdırıblar.
İllinoys ştatının Şimal-Qərb Universiteti və Nyu Meksikodakı Santa Fe İnstitutunun tədqiqatçıları tərəfindən aparılan araşdırmada reaktiv gecikmə ilə sirkadiyalı ritm arasındakı əlaqədən qurtulmağın yollarını müəyyən etmək üçün riyazi modellər hazırlanıb.
Uzun bir uçuşdan sonra günün erkən saatlarında daha çox yemək yeməyin və gün ərzində çox günəş işığına məruz qalmağın bədənin saat fərqinə uyğunlaşmasını sürətləndirdiyini təyin edən araşdırmada, jetlagdan xilas olmaq üçün gecə qəlyanaltılarından uzaq durmaq tövsiyə edilib.
Araşdırmada gecə yeməyin sirkadiyalı ritmi daha da poza biləcəyi və bunun da bu saatlarda yeməyin qaraciyərdə iltihaba səbəb olması ilə əlaqədar olduğu bildirilib.
Qeyd edək ki, reaktiv gecimkə uzun uçuşlardan sonra yaranan və bədənin bioloji saatının təyyarənin eniş vaxtı ilə uyğun gəlmədiyi üçün yaşanan narahatlıq kimi tanınır. Bunun nəticəsində yuxu pozğunluğu yaranır. Uzun müddətli yuxu pozğunluqları qan dövranı, endokrin, immun və sinir sistemlərinə təsir edərək hipertoniya, piylənmə və ruhi xəstəliklər kimi ciddi sağlamlıq problemlərinə səbəb olur.