Qananın Şərq əyalətində qeyri-qanuni mədənin çökməsi nəticəsində ilkin araşdırmalara görə, 7 nəfər ölüb.
Bugun.tv xəbər verir ki, bu barədə Türkiyə mətbuatı məlumat yayıb.
TRT Haberin məlumatına görə qəzadan sonra axtarış-xilasetmə işlərində 7 nəfərin cansız cəsədi tapılıb, 5 nəfər sağ çıxarılıb. Çuxurda qalan çoxlu sayda işçidən xəbər yoxdur.
Yerli sakinlər çökməyə güclü yağışın səbəb olduğunu iddia edirlər.
Qeyd edək ki, tarixdə “Qızıl Körfəz” adlandırılan Qana “Afrikanın ən böyük qızıl istehsal edən ölkələri” arasındadır.
Qanada qeyri-qanuni mədən işlərinin qarşısını almaq məqsədilə 4 il əvvəl “Milli Qeyri-qanuni Mədən İşçi Qrupu” yaradılıb.