Seneqal prezidenti Bassirou Diomaye Faye bildirib ki, ölkədəki bütün xarici hərbi mövcudluq bu il ərzində sona çatacaq. Prezident Fey Yeni il münasibətilə milli müraciətində ölkənin gündəliyi ilə bağlı açıqlamalar verib.
Seneqalın müstəqil ölkə olduğuna diqqət çəkən Faye, müstəqil bir ölkədə heç bir xarici əsgərin olmaması lazım olduğunu bildirib.
“Mən Silahlı Qüvvələr nazirinə 2025-ci ilə qədər ölkədə bütün xarici hərbi mövcudluğun dayandırılmasına imkan verəcək yeni doktrina hazırlamağı tapşırmışam”, – Faye bildirib. Prezident Faye daha əvvəl ölkədəki Fransa hərbi bazasının bağlanmalı olduğunu desə də, tarix açıqlamamışdı.
Seneqalda qoşunları olan yeganə xarici qurum olan Fransanın ölkədə daimi bazası və təxminən 350 əsgəri var.
Mənbə: TrtHaber