Bugun.tv TASS-a istinadən xəbər verir ki, Rusiyanın xarici işlər naziri Sergey Lavrov Bakı səfərindən sonra Hindistanın paytaxtına üç günlük səfər edəcək. Nazirin hindistanlı həmkarı Subrahmanyam Jaishankar ilə görüşü, İyirmilər qrupu (G20) xarici işlər nazirlərinin iclasında iştirak etməsi, eyni zamanda Çin, Braziliya və digər ölkələrdən olan tərəfdaşlarla bir sıra ikitərəfli danışıqlar aparması planlaşdırılır.
“Nazirin səyahəti artan qlobal iqtisadi risklər fonunda baş verir. Bu baxımdan Rusiya tərəfinin Hindistanın ev sahibliyi etdiyi G20 nazirlər görüşündə tərəfdaşların diqqətini enerji və ərzaq təhlükəsizliyi problemlərinə, eləcə də qeyri-qanuni sanksiyaların dağıdıcılığına cəlb etməsi gözlənilir”,- Rusiya Xarici İşlər Nazirliyinin sözçüsü Mariya Zaxarova bildirib.
İkitərəfli Rusiya-Hindistan danışıqlarının gündəmində çox həssas məsələlər olacaq. Gözlənildiyi kimi, Lavrov və Cayşankar Asiya-Sakit Okean təhlükəsizlik arxitekturasının formalaşması, Əfqanıstandakı vəziyyət və Ukraynadakı vəziyyətlə bağlı məsələlərə də diqqət yetirəcəklər