Bugun.Tv xəbər verir ki, Qusar rayonunda yerləşən Qusar Olimpiya İdman Kompleksində “Sevgi və sülh” şüarı altında XI yoqa festivalı təşkil olunub.
Tədbirdə ümumilikdə 200-ə yaxın iştirakçı yer alıb. Festival təbiət qoynunda keçirilərək iştirakçılara gündəlik həyatın səs-küyündən uzaqlaşmaq, stressi azaltmaq və fiziki-emosional vəziyyətlərini yaxşılaşdırmaq imkanı yaradıb.
Yoqa festivalının təşkilatçısı uzun illər təcrübəyə malik yoqa müəllimi İlhamə Şirinova olub. Tədbir çərçivəsində təlimçilər Lalə Cabbarova və Elnarə Rəsulova tərəfindən hatha yoqa məşğələləri, nəfəs texnikaları, neyrogimnastika və enerji praktikaları təqdim edilib.
Festivalın əsas qonağı isə hindistanlı yoqa ustası Nandan Gautam olub. Günün ikinci yarısında om-çantinq praktikası və açıq ünsiyyət formatında satsanq təşkil edilib.
Sözügedən bu Yoqa tədbirində teleaparıcı-jurnalist Günel Gözəlova — Jurnalist Sənətkarlığının İnkişafına Dəstək İctimai Birliyinin sədri və BugunTV media qurumunun rəhbəri, əməkdar jurnalist Elnarə Dərziyeva da iştirak edib.
Qeyd edək ki, İlhamə Şirinova illərdir ölkənin müxtəlif bölgələrində ödənişsiz sosial layihələr həyata keçirərək sağlam və şüurlu həyat tərzinin təşviqinə töhfə verir.
