“Şəhər xidmətlərinin işçiləri Ukraynanın Dnepr şəhərində SOCAR-ın (Azərbaycan Dövlət Neft Şirkəti) yanacaqdoldurma məntəqəsində istirahət yeri və pulsuz yemək ala bilərlər”.
Bu barədə şəhərin meri Boris Filatov öz Facebook səhifəsində yazıb.
“Polis əməkdaşlarının, xilasedicilərin, həkimlərin və ehtiyacı olan hər kəsin nəzərinə. Dağılmış evin həyətində, uşaq meydançasının arxasında yemək/kofe/çay çadırları qurulacaq. Həmçinin növbə dəyişikliyi zamanı bütün şəhər xidmətləri SOCAR Şinnaya küçəsi 14 ünvanında yerləşən yanacaqdoldurma məntəqəsinə zəng edərək dincəlmək və pulsuz yemək ala bilərlər”-deyə qeyd edilib.
Xatırladaq ki, bundan əvvəl Dneprdə çoxmərtəbəli binaya raket hücumu edilib və nəticədə 18 nəfər həlak olub.