Bugun.tv xəbər verir ki, Somali quldurları bir həftə ərzində İran bayraqlı sayca ikinci gəmini oğurlayıblar.
Somalinin Kandala Regional Prezidenti Əhməd Yusuf Xurşe mətbuata verdiyi açıqlamada İran bayraqlı gəminin dəniz quldurlarının hücumuna məruz qaldığını bildirib.
“İran balıqçı gəmisi Kandalanın da daxil olduğu Putland əyalətinin sahillərində bir qrup dəniz qulduru tərəfindən qaçırılıb”, – o bildirib.
Ekipajın hamısının xarici ölkə vətəndaşı olduğunu deyən Xurşe ekipajın sayı barədə məlumat verməyib. Qaçırılan gəmidə somalili və iranlılardan ibarət 16 nəfərlik heyətlə İran bayraqlı gəmi qaçırılıb. Piratlar ekipajın sərbəst buraxılması üçün 400 min dollar fidyə tələb ediblər.
Somalidə dəniz quldurları 2017-ci ilə qədər yük gəmilərinə hücum edərək onları fidyə qarşılığında oğurlasa da, o vaxtdan bəri pirat hücumları azalıb.