Paytaxt Moqadişoda izdihamlı kafeyə bomba yüklü avtomobillə təşkil edilən hücumda 5 nəfər ölüb, 20 nəfər yaralanıb.
Yerli mətbuatın polisə əsaslanaraq verdiyi məlumata görə, Somalinin paytaxtı Moqadişoda insanların sıx olduğu kafeyə bomba yüklü avtomobillə hücum edilib.
Bomba yüklü maşının partladıldığı hücumda 5 nəfər həyatını itirib, 20 nəfər yaralanıb.
Polis sözçüsü Əbdül Fəttah Ədn Həsən dövlət mediasına verdiyi açıqlamada, “Polisin ilkin məlumatlarına görə, 5 nəfər həyatını itirib, 20-yə yaxın adam yaralanıb” deyib.
Hadisəyə görə məsuliyyəti hələlik heç kim üzərinə götürməyib.
Mənbə: İLKHA