Dünya

Sorğu keçirildi: İnsanların həyatı yaxın 20 ildə necə dəyişəcək?

Bugun.tv xəbər verir ki, “Mail.ru Xəbərləri” redaksiyası III Beynəlxalq “Gələcəyi yaradaraq” simpoziumu ərəfəsində texnologiyalar, təhsil, peşələr və gələcəyin əsas çağırışları ilə bağlı geniş sorğuya start verib.

Məlumata görə, sorğunun məqsədi müxtəlif nəsillərin və region sakinlərinin gələcək barədə düşüncələrini öyrənməkdir.

Təşkilatçılar bildiriblər ki, dünya hazırda böyük dəyişikliklər dövrünü yaşayır və qlobal proseslər hər gün sürətlə yenilənir. Bu səbəbdən gələcəyin necə formalaşacağı ilə bağlı yalnız ekspertlərin deyil, adi insanların da fikirlərinin öyrənilməsi vacib hesab olunur.

“Gələcəyi yaradaraq” beynəlxalq simpoziumu artıq üçüncü ildir keçirilir və dünyanın müxtəlif ölkələrindən alimləri, ekspertləri və fikir liderlərini bir araya gətirir. Platformada gələcəyin mümkün inkişaf ssenariləri müzakirə olunur.

Sorğu çərçivəsində iştirakçılara gələcəyin əsas prioritetləri ilə bağlı suallar ünvanlanır. Bunlar arasında kosmosun fəthi, planetin qorunması, texnologiyalara etibar və insanlığın mənəvi dəyərlərinin saxlanılması kimi mövzular yer alır.

Layihə çərçivəsində əldə ediləcək nəticələrin ekspert rəyləri ilə birlikdə xüsusi material şəklində təqdim olunacağı bildirilib. Araşdırmanın nəticələri həmçinin “Gələcək arzuları” adlı videoesse müsabiqəsində də istifadə ediləcək.

Təşkilatçılar qeyd edirlər ki, layihənin əsas məqsədi gənc nəslin gələcək barədə düşünməsinə və yeni ideyalar formalaşdırmasına stimul verməkdir.

Mənbə: mail.ru

Aynur Camal

Oxşar xəbərlər

Tramp, Putin və Si Cinpin Şençjendə görüşüb birgə bəyannamə qəbul ediblər

Aynur Camal

İmtahana telefonla girən 22 nəfər xüsusi siqnalla aşkarlandı

Aynur Camal

Hörmüz boğazındakı böhran dünya enerji bazarlarına ciddi zərbə vurdu

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz.Qəbul edinƏtraflı Oxu