Alimlər xəbərdarlıq ediblər ki, İlon Maskın Starlink peykləri Yerin maqnit sahəsini aşındıra və yavaş-yavaş zəhərlənmələrə gətirib çıxara bilər.
SpaceX isə, interneti dünyaya yayan bu peykləri orbitə göndərməkdə davam edir. Şirkət indiyədək 5000-dən çox Starlinki kosmosa çıxarıb və daha minlərlə peyk gözləmədədir.
Bugun.tv -nin əldə etdiyi məlumata görə, NASA-nın keçmiş tədqiqatçısı Sierra Solter-Hunt açıqlama verib. Bildirib ki, peyklər hər saatda 1,3 tondan çox tullantı ilə atmosferi yandıraraq, orbitdə keçirici hissəciklərdən ibarət metal təbəqə yaradır. O, xəbərdarlıq edib ki, İlon Maskın “Starlink”i kimi meqapeyk şəbəkələri Yerin maqnitosferini poza və bütün bəşəriyyəti ölümcül kosmik şüalara məruz qoya bilər.
Mütəxəssis bu hadisənin baş verəcəyi təqdirdə Yerin Mars və Merkuri ilə eyni aqibəti yaşayacağını vurğulayıb.