Sudan ordusu ölkənin yeddi yaşayış məntəqəsində, o cümlədən beş inzibati mərkəzdə çevik reaksiya qüvvələrinin (xüsusi təyinatlıların) baza və qərargahlarını ələ keçirib.
Bugun.tv xəbər verir ki, bu barədə Silahlı Qüvvələrin Ali Komandanlığının Facebook səhifəsində dərc edilmiş bəyanatında bildirilir.
Hərbçilər üsyanlara nəzarət yaradıblar. Xüsusi təyinatlıların baza və qərargahlarını, həmçinin Port Sudan, Əd-Damazin, Kosti, Kassala, Əl Qadarif Kadugli və Omdurman şəhərindəki düşərgəsini ələ keçiriblər.
Qeyd edək ki, dünən səhər saatlarında Sudanın paytaxtı Xartumda hərbi baza yaxınlığında silahlı toqquşma baş verib. Buna səbəb Suverən Şuranın ordu komandiri Əbdülfəttah əl-Burhan ilə onun müavini Məhəmməd Həmdan Daqalo arasında yaranan fikir ayrılığıdır.
Mənbə: TASS