Sudanda baş verən silahlı toqquşmalarda ölənlərin sayı 56-ya çatıb, 595 nəfər isə yaralanıb.
Bugun.tv xəbər verir ki, bu barədə ölkənin Həkimlər Mərkəzi Komitəsi məlumat yayıb.
Bildirilir ki, təkcə Xartumda 25 nəfər ölüb, 302 nəfər yaralanıb. Həlak olanlar arasında mülki şəxslər və hərbçilər var.
Qeyd edək ki, dünən səhər saatlarında Sudanın paytaxtı Xartumda hərbi baza yaxınlığında silahlı toqquşma baş verib. Buna səbəb Suverən Şuranın ordu komandiri Əbdülfəttah əl-Burhan ilə onun müavini Məhəmməd Həmdan Daqalo arasında yaranan fikir ayrılığıdır.
Mənbə:TASS