Bugun.tv xəbər verir ki, Azərbaycan və Ermənistan Xarici İşlər Nazirliyinin nümayəndə heyətlərinin ABŞ-da keçirdiyi görüşlərdə irəliləyiş əldə olunub. İki ölkə sülh sazişi layihəsinin bəzi bəndləri üzrə razılığa gəlib, lakin bəzi əsas məsələlərdə fikir ayrılıqları qalmaqda davam edir.
Xatırladaq ki, Azərbaycanın xarici işlər naziri Ceyhun Bayramov və Ermənistanın xarici işlər naziri Ararat Mirzoyan mayın 1-4-də ABŞ-da səfərdə olublar.
Normallaşma prosesinin yol xəritəsi və sülh sazişinin hədəfi müzakirə edilib. Azərbaycanın 2-ci Qarabağ müharibəsində qələbə çalmasından sonra sülh sazişi imzalamaq istəməyən Ermənistan bu dəfə ABŞ-ın vasitəçiliyi ilə masa arxasına oturub. Danışıqların yekun iclasında ABŞ dövlət katibi Entoni Blinken də iştirak edib.
Danışıqlar irəliləyişlə başa çatıb. Bu barədə Azərbaycan Xarici İşlər Nazirliyindən məlumat verilib.
Nazirliyin açıqlamasında bildirilir ki, Bakı və İrəvan arasında “Sülh və dövlətlərarası münasibətlərin bərqərar edilməsi haqqında Saziş layihəsi”nin bəzi maddələri üzrə razılıq əldə olunub. Onlar həmçinin bəzi əsas məsələlərdə mövqelərin fərqli olduğunu etiraf ediblər.
ABŞ dövlət katibi Antoni Blinken: “Tərəflər son bir neçə gündə çox çətin məsələləri müzakirə etdilər və davamlı sülhə doğru nəzərəçarpacaq irəliləyiş var. Marafonun son mərhələsinin ən çətin hissəsi olduğunu bilirik. ABŞ olaraq, biz bunu davam etdirəcəyik. Finişə doğru dostlarımızı dəstəkləyin”.
Qeyd edək ki, Azərbaycan və Ermənistan ABŞ-ın vasitəçiliyi ilə danışıqları davam etdirəcək.
Mənbə: haberglobal