Bugün.tv xəbər verir ki, Azərbaycan Yazıçılar Birliyinin “Natəvan” klubunda Mədəniyyət Nazirliyi, Azərbaycan Yazıçılar Birliyi və “Space” Müstəqil Teleradio Şirkətinin birgə təşkilatçılığı ilə “Şuşaya Salam” Beynəlxalq Poeziya layihəsinin təqdimatı baş tutub.
Tədbiri açan layihənin müəllifi, Azərbaycan Yazıçılar Birliyinin katibi Səlim Babullaoğlunun sözlərinə görə, 30 ölkədən 44 şair Şuşanı şeirlə salamlayacaq.
“Şuşa ili”ndə dünya şairləri Şuşa üçün şeir oxuyurlar” – şuarındakı məqsəd mədəniyyətin, musiqinin beşiyi olan Şuşa şəhərinin tərənnümü, Ermənilərin əsrlərdir öz adlarına çıxmağa çalışdığı Qarabağın, Şuşanın Azərbaycanın qədim diyarı olduğunu bir daha dünya ölkələrinin diqqətinə çatdırmaqdır.
