Batmanda suvarma məqsədilə istifadə edilən 2 metr dərinlikdəki hovuza düşən Bünyamin Ekinci həyatını itirib.
Hadisə ötən gün axşam saatlarında Beşiri rayonunun Samanlı kəndində baş verib. İddiaya görə Bünyamin Ekinci müvazinətini itirərək evindən 100 metr aralıda suvarma məqsədilə istifadə edilən 2 metr dərinlikdəki hovuza düşüb.
Bugun.tv xəbər verir ki, suda hərəkətsiz qalan Bünyamin yaxınları tərəfindən xilas edilərək 112 Təcili Yardım Mərkəzinə məlumat verilib. Bölgəyə çoxlu qruplar göndərilib. Kiçik uşağın öldüyü müəyyən edilib. Onun cənazəsi Yalinkavak kənd qəbiristanlığında torpağa tapşırılarkən, hadisə ilə bağlı araşdırma aparılır.