Malayziyanın paytaxtı Kuala-Lumpurda təbii qaz boru kəmərinin sızması nəticəsində baş verən yanğın nəticəsində 112 nəfər xəsarət alıb, 47 evə ziyan dəyib.
“Malay Mail” qəzetinin məlumatına görə, paytaxtın Putra yüksəklikləri ərazisində boru kəmərində qaz sızması yanğına səbəb olub.
Selangor əyalətinin polis komissarının müavini Mohd Zayni Əbu Həsən yanğın nəticəsində 112 nəfərin xəsarət aldığını bildirib.
Yerli KİV-lər səhər saatlarında qaz sızması səbəbindən boru kəmərində başlayan alovun 500 metr hündürlüyə çatdığını və bir neçə kilometr uzaqdan göründüyünü bildirib.
Yanğınsöndürmə qruplarının hadisə yerində müdaxiləsini davam etdirdiyi bildirilib.
Mənbə: TrtHaber