Bugun.tv xəbər verir ki, Ağrı-İran magistral yolunda Ağrı Özəl OSB Peşə və Texniki Anadolu Liseyinin şagird avtobusu ilə yük maşınının toqquşması nəticəsində baş verən qəzada 2-si ağır 21 nəfər yaralanıb.
Hadisə yerinə polis, sağlamlıq və jandarma qrupları sövq edilib. Yaralılara hadisə yerində ilkin tibbi yardım göstərildikdən sonra təcili tibbi yardım maşını ilə Ağrı Təhsil və Araşdırma Xəstəxanasına aparılıb. Xəstəxanada vəziyyəti ağır olan iki şagird əməliyyata alınıb. Xəsarətləri həyati təhlükəsi olmayan digər yaralıların müalicəsi davam etdirilir. Digər tərəfdən Ağrı valisi Mustafa Koç xəstəxanaya gələrək səlahiyyətlilərdən tələbələrin vəziyyəti ilə bağlı məlumat alıb.