Tərtərdə hərbçilər üçün Novruz bayramı münasibəti ilə şənlik keçirilib.
Tədbir iştirakçıları əvvəlcə torpaqlarımızın azadlığı uğrunda canından keçmiş şəhidlərin ruhunu bir dəqiqəlik sükutla yad ediblər. Sonra isə əsgər və zabitlər birlikdə Azərbaycan Respublikasının Dövlət Himnini oxuyublar.
Bu barədə Bugun.tv-nin bölgə müxbiri İlqar Mehdizadə məlumat verib.
Tədbirdə Azərbaycan Respublikasının Hərbi prokuroru, Azərbaycan Respublikası Baş prokurorunun müavini, ədliyyə General leytenantı Xanlar Vəliyev, Azərbaycan Respublikası müdafiə nazirinin müavini – Quru Qoşunların komandanı General leytenant Ənvər Əfəndiyev, Tərtər Rayon İcra Hakimiyyətinin Başçısı Müstəqim Məmmədov, hərbi hissənin şəxsi heyəti iştirak edib.
Əsgər və zabitlər onlara olan diqqət və qayğıya görə Prezident İlham Əliyevə təşəkkürlərini bildiriblər.
