Bu gündən etibarən cəmiyyəti narahat edən məsələlərlə bağlı vətəndaşların fikrinə yer ayıracağıq.
Bugun.tv-nin əməkdaşları elə bu məqsədlə paytaxtda sorğu keçirib. Şəhər sakinləri təhsilin bu günü ilə bağlı düşüncələrini bölüşüblər. Fikirlər müxtəlif olub. “İndiki təhsil sistemi ilə razı deyiləm. Çətin sistemdi. Bir valideyn kimi narahatam. Çünki mən özüm ali savadlı insanam, ancaq bu dərslikləri anlaya bilmirəm. Əsas da riyaziyyatı çox çətinləşdiriblər”. “Demək olar ki, raziyam, amma təhsil sistemində bəzi dəyişikliklər olmalıdır. Müəllimlər də biraz sərtdir. Şagirdlərdən çox müəllimlər ön planda tutulur”. “Məktəblərdə praktika ücün lazımi avadanlıqlar yoxdu. Muəllimlər yaxşı olsa da praktiki baxımdan zəifdilər”. “Kluklum sistemi təhsilimizin səviyyəsini aşağı edib. Uşaqlarımız heç nə dərk etmirlər. Bəzən müəllimlər özləri də dərslik suallarının cavabı tapmaqda çətinlik çəkirlər. Məncə, sistem kökündən dəyişdirilməlidir”,- deyərək, öz fikirlərini bildiriblər.
Ətraflı link bölümündə: