Bugun.tv xəbər verir ki, uzun illərin aparıcısı, “Xəzərin sahilində” verilişinin layihə rəhbəri Fəxriyyə Lilpar Sənətşünaslıq üzrə “Fəlsəfə doktoru” olub.
Bu barədə o özünün facebook səhifəsində paylaşım edib. “Bu diplom, uzun illər televiziya sahəsində praktik fəaliyyətimin elmi müstəvidə təhlilinin nəticəsidir. Bu məsuliyyət və işin çətinliyi mənə gələcək fəaliyyətimdə daha diqqətli olmağa sövq edəcək”.
Fəxriyyə Lilpar sosial şəbəkə üzərindən müəllimlərinə, bu yolda öz mənəvi dəstəklərini əsirgəməyən insanlara və Ali Attestasiya Komissiyasının sədrinə təşəkkürünü bildirib.
Bugun.tv olaraq elmi dərəcə alan həmkarımızı ürəkdən təbrik edir, ona fəaliyyətində uğurlar arzulayırıq!