Bugun.tv xəbər verir ki, MasterChef Australiyada münsif kimi tanınan 46 yaşlı teleaparıcı və aşpaz Cok Zonfrillo vəfat edib.
Kanalın və verilişin əməkdaşları açıqlama veriblər. “MasterChef ailəsinin sevimli üzvü Cok Zonfrillonu qəfil itirmək bizi dərindən sarsıtdı və kədərləndi. Cok avstraliyalılar tərəfindən bestseller müəllif, aşpaz, xeyriyyəçi və MasterChef-in münsiflər heyətinin sədri kimi tanınsa da, sevən ata, ər, qardaş və oğul kimi xatırlanacaq”.
Qeyd edək ki, Cok Zonfrillo bir çox restoran və kafelərə rəhbərlik edib. Məşhur aşpazın xidmət sənayesində bir çox mükafatı var. O, 2018-ci ildə Avstraliyanın ən isti aşbazı seçilib.
Cok Zonfrillo ötən gecə Avstraliyanın Melburn şəhərində 46 yaşında vəfat edib. Jock Zonfrillonun ölüm səbəbi hələlik məlum deyil.
Mənbə: Cumhuriyyet