Bugun.tv xəbər verir ki, İstanbulda güclü yağış səbəbindən bu günə təxirə salınan TEKNOFEST-in açılış mərasimi baş tutub.
Bu il 6-cı dəfə keçirilən dünyanın ən böyük kosmos və aviasiya festivalı İstanbul Atatürk Hava Limanında başlayıb. Yağış səbəbindən bu günə təxirə salınan festivalın rəsmi açılışı vətəndaşların böyük marağına səbəb olub.
“Baykar Technology” şirkətinin rəhbəri Selçuk Bayraktar yarışmaçıları ziyarət edərək vətəndaşları festivala dəvət edib. “Bayraktar Kızılelma” və “Kemankeş” də ilk dəfə sərgilənib.
TEKNOFEST İdarə Heyətinin və T3 Vəqfi Qəyyumlar Şurasının sədri Selçuk Bayraktar açılışla əlaqədar mərasim sahəsində çıxış edib.
“İnanıram ki, TEKNOFEST çərçivəsində zəlzələ və fəlakətlərin həlli yollarını təklif edən gənc qardaşlarımız meydana çıxacaq. TEKNOFEST səssiz bir inqilabın adı oldu. Müraciətlərin sayı 1 milyonu ötüb. Texnologiyanı inkişaf etdirəcəklərini deyən 1 milyondan çox gənc komandalar qurub. 100 il əvvəl ace nəsli bu gün TEKNOFEST nəsli olaraq yenidən dirildi. Cümhuriyyətimizin 100 illiyini TEKNOFEST ilə taclandıracağıq”,- S.Bayraktar vurğulayıb.
Mənbə: TRT Haber