Bugun.tv xəbər verir ki, İstanbul və Tuncelidə terror təşkilatı DHKP/C-yə qarşı keçirilən əməliyyatda 12 şübhəli saxlanılıb. İstanbul Polis İdarəsi Terrorla Mübarizə və Kəşfiyyat Şöbə Müdirliyi qrupları DHKP/C terror təşkilatının fəaliyyətlərinin deşifrə edilməsi üçün işlərini davam etdirir.
TRT Haber-in məlumatına görə, bu çərçivədə qruplar 17 şübhəlinin terror təşkilatı DHKP/C ilə əlaqəsi olduğunu müəyyən edib. Şübhəlilərin ünvan və şəxsiyyət məlumatlarını təyin edən polis İstanbul və Tuncelidə eyni vaxtda keçirdiyi əməliyyatla 12 şübhəlini saxlayıb.
Ünvanlarda aparılan axtarışlar zamanı 2 ədəd sənədsiz silah, 1 ədəd boş tapança və çoxlu sayda rəqəmsal material ələ keçirilib.