Tesla 3878 Cybertruck modelini geri çağırmaq qərarına gəlib. Səbəb sürət pedallarında yaranan problemdir.
Qeyd edək ki, polad dizaynı sayəsində böyük marağa səbəb olan avtomobilin satışına bu il başlanılıb. Teslanın yeni elektrikli avtomobil modeli Cybertruck xüsusilə qeyri-adi dizaynı ilə diqqət çəkib. Çatdırılmalar başlayandan qısa müddət sonra Cybertruck haqqında istifadəçi məlumatları daxil olub.
Bugun.tv-nin əldə etdiyi məlumata görə, ABŞ-da Milli Avtomobil Yolları Hərəkətinin Təhlükəsizliyi İdarəsi Cybertruck modellərində qaz pedalı problemi səbəbindən avtomobillərin geri çağırılmasını istəyib.
Həm sürət, həm də əyləc sıxma anında gecikmə olduğundan bu qəza riskini artırır.
ABŞ-da yerləşən avtomobil istehsalçısı yeni aşkar edilən problemlə bağlı hələlik rəsmi açıqlama verməyib.