Bazar ertəsi Texas ştatının San Antonio şəhərində yük maşınının içərisində 46 ölü miqrantın cəsədi tapılıb. Şəhər rəsmiləri bildiriblər ki, bu hadisə ABŞ-Meksika xəttində insan qaçaqmalçılığı ilə bağlı ən dəhşətli hadisələrdəndir.
San Antonio yanğınsöndürmə idarəsinin rəsmisi, şəhərin cənub kənarındakı ucqar bir ərazidə qatar relslərinin yanında tapılan yük maşınında “cəsəd qalaqları” və heç bir su izi tapmadıqlarını söyləyib.
Bildirilir ki, qoşquda tapılan daha 16 nəfər, o cümlədən dörd azyaşlı isti vurması və qida çatışmazlığı ilə xəstəxanalara aparılıb, lakin ölənlər arasında uşaq olmayıb.
San Antonio yanğınsöndürmə rəisi Çarlz Hud mətbuat konfransında deyib: ” Xəstələr istilik vurması və yorğunluqdan əziyyət çəkirdilər”. Yük maşınında kondisioner olmayıb.”